Psa 47 | VulgJ | STEP | canticum psalmi filiis Core secunda sabbati canticum psalmi filiorum Core

Psalms 47

1 canticum psalmi filiis Core secunda sabbati ^va 2 magnus Dominus et laudabilis nimis in civitate Dei nostri in monte sancto eius ^va 3 fundatur exultatione universae terrae montes Sion latera aquilonis civitas regis magni ^va 4 Deus in domibus eius cognoscitur cum suscipiet eam ^va 5 quoniam ecce reges congregati sunt convenerunt in unum ^va 6 ipsi videntes sic admirati sunt conturbati sunt commoti sunt ^va 7 tremor adprehendit eos ibi dolores ut parturientis ^va 8 in spiritu vehementi conteres naves Tharsis ^va 9 sicut audivimus sic vidimus in civitate Domini virtutum in civitate Dei nostri Deus fundavit eam in aeternum diapsalma ^va 10 suscepimus Deus misericordiam tuam in medio templi tui ^va 11 secundum nomen tuum Deus sic et laus tua in fines terrae iustitia plena est dextera tua ^va 12 laetetur mons Sion exultent filiae Iudaeae propter iudicia tua Domine ^va 13 circumdate Sion et conplectimini eam narrate in turribus eius ^va 14 ponite corda vestra in virtute eius et distribuite domus eius ut enarretis in progeniem alteram ^va 15 quoniam hic est Deus Deus noster in aeternum et in saeculum saeculi ipse reget nos in saecula

^va